خالص......
إنتي بعدتي عني خالص..
قلبك عنيد فين حنانك مش شايف منه حاجة خالص.
فين اللي كان بينا من زمان كانت ضحكتك ماليا المكان كان بينا ود خالص.
كان بينا احساس وكلام من غير كلام دلوقتي مهما اتكلمت مش سامعة حاجة خالص..
بتقولي كبرنا وإللي باقوله دا كان زمان من زمان كبرنا على الكلام دا خالص.
كبرنا يعني أدفن قلبي بالحياة واحكم على نقسي بالوحدة خالص..
أنا قلبي لسه عطشان للحياة ومايترويش إلا منك مش حد تاني خالص
اسمعي يابنت الحلال الحكاية مش سن وعيال الفتور في عواطفك باين عليكي خالص..
بتقولي البيت والعيال ومشاكل تهد الجبال بدل ماعندك تبقى في إيدي مش شايف غير نفسك بس خالص
وانا فين من كل دا دوامة البيت والعيال والعيشة والأحوال محتاج لحبك على الدوام حياتنا ماشية وهادية لكن فيها شيء ناقص.
بقيت نمرة كام مش عارف في حياتك ارجعلي يا انخطف من حد غيرك أنا بانصحك بضمير خالص.
أشرف محمودعيسى