(( مأساة طفل فقير ))
للشاعر د. علي مسلم عجمي
----------------------
الجوع كافر و الكفر من حدتو
خلّا فقير الحال تضعف شِدِّتو
كيف فيك تنام شبعان و هَـني
و جارك فقير الجوع ياكل معدتو
----------
رطوبة و حرارة عالية و الطقس نار
و الكهربا بغيبوبة و حـالتها دمـار
بالعـرق عم تتحمم بوضح النهار
مروحة.مـافي تخفف عليك العيار
اختلطوا الدموع و عرق جسمك باختصار
وَقِّـف بكـا يا صغير صـابك إنهيار
بتفرج بتفرج يا طفل إدعـي الإلـه
دعوتك عند الله في إلها اعتبار
كل طلعة في لها نزلة أكيـد
مش رح بتبقى بالدني معتَّـر وحيد
مع كل ليل بينجلي بيطلع نهار
و بيصير عندك بيت و يذوب الجليد
يا صْغير لا تيأس و لا يصيبك دمار
و لا تقول بدو الفقر عا فقرك يْزيد
كل ورقة زاد فيها الإصفرار
بيخلق ورق أخضر بدالا عن جديد
بَـكّيتني يا صغير كفكف مدمعك
الناس كلها شايفة و بتقشعك
تبسّم ما تبكي .. حْرَقت قلبي بالبُكا
إحكي شو بدك كليتنا منسمعك
الطِّيب من تمك بيطلع لو حكى
إفرد صبيعك ليش لاوي إصبعك
و طالما لرب الكائني دمعك شكى
يا صغير بدها تفرج و الله معك
الشاعر… د. علي مسلم عجمي
لبنان