عابر سبيل
******
* اول كلامى ناديت يا ليل
لو كان صحيح بدري اكتمل
ليه الحبيب سافر ماجاش
وازاي باشوف الناس طشاش
وصبحت ميت........
و التعب هو اللي عاش
اول كلامي ناديت يا نيل
انا م البلد دي مش دخيل
و البال طويل
و الباع طويل
و ان جرحي طاب هقدر اشيل
بس اللي عاوز تعرفوه
لو ينشطب اسمي اكتبوه
(عابر سبيل)
*******
* اول كلامي ناديت ياليل
هـ اعبر جبال الصعب
فوق خيال المستحيل
و اقول يا نيل.....
انا جيت اوفي العهد
انا منك يا نيل
وصرخة جوا الليل ف قلب الصمت
اللي اكتمل مش بدرنا
اللي اكتمل بدر العدا....
و معادش غير صوت وصدا
و كلام.......
و بقيت خيال........
وانا كنت اشيل حملين جمل
يا ناس ياهوووووه...
صوت استغاثة اسمعوه
و انا........
(عابر سبيل)
*********
* ياسكتي المفروشة بالشوك و الامل
لو كان صحيح بدري اكتمل
ليه الحبيب سافر ماجاش
و الرؤية تاهت..
والامل روح و تاه...
و الناس طناش...
و الدموع نزلت ..دوبت الرموش
و الوش ده فيوم كان بشوش
يضحك طوب الارض....
و الضحكة تجرى الف ميل
حتي لو كل البشرمابيضحكوش
و اللي اختشو ماتوا...
واللي عاشوا مايختشوش
ماتزعلوش....
لو كان كلامي تكرهوه
م الشريط ابقوا امسحوه
و انا (عابرسبيل)
********
* اول كلامي ناديت يا نيل
ناديت ياعين من غير ياليل
انا م البلد دي مش دخيل
والشعوب تبكي الديار
هوا ليلنا ملوش نهار
البال طويل
و الباع طويل
و ان جرحي طاب هقدر اشيل
بس اللي عاوز تعرفوه
لو تنفصل عن جسمي راسي
ادفنوه...
و علي قبري..اسمي اكتبوه
(عابر سبيل)
شاعر م \ خليل عبد المجيد
مصر