بحبك
.
.
.
بحبك و الله من قلبي
وعشقك في شراييني
و ليه أنا أدارى وأخبى
و حبك من صميم ديني
............
بحبك حب ماله حدود
و مهما يعلّوا بينا سدود
حبيبتي أنا برده هاوصلك
دا نورك لي ضيا عيني
..........
عشان حبك لاموني الناس
و قالوا كل دا إخلاص ؟!
فقلت الحب دا إحساس
و هيا عمري و سنينى
.........
و مهما الغربة بيا تطول
ألاقى القلب بيك مشغول
و مهما الناس عليا تقول
أنين البعد يكويني
..........
بغنيلك كتير مواويل
و حبك كان لقلبي دليل
و مهما يطول عليا الليل
صباحك جاي يواسيني
........
أصيله و فيكي نبع الخير
معاكى بحس أنى أمير
و فى بعادك بآسى كتير
خلاص جايلك وحشتينى
.........
سنين العمر بيا تمر
و كنت حبيبتي دايقه المر
كسرت القيد و جيتلك حر
عشانك بس سامحيني
...........
بتوه في الدنيا وارجع لك
و أبوس الرمل من أرضك
يا غالية يا بلدي مين أدك
و حضنك دا يدفينى
..............
بقلم : الرفاعى الحداد