الأخ سند وعون
أغنية شعبية
أنا ربيته على إيديا
وشيلته في قلبي وعيني
ودلوقتي بيقسى عليا
وكأنه هو إللي مربيني ...
عاملته تمام زي إبني
إبني إللي مخلفتوش
فجأة لقيته واحد تاني
واحد عمري أنا معرفتوش ...
الإخوة دي معنى عظيم
عند إللي بيفهم ويقدر
مش هجر وخلاف وجحيم
ونبيع بأرخص سعر ونُغدر ...
الأخ يعني ضهر وسند
في الشدة إن تقل
الحمل أو مال
وبعد ربنا العون والمدد
بشهامة ورجولة
بيهد جبال ...
روح منك لله
ع القسوة وع الحرمان
محدش واخد حاجة معاه
كان نفسي أدوق الحنان ...
هو دا إللي أنا
كنت فاكره
إنه سند وعزوة ليا
حتى خيري عليه
بقى ناكره
وقل بأصله
وأتحكم فيا ...
د/ أديب وحيد محروس خليل