فراق .وسجن
وكان بينا ميعاد
تاه من كُترالبُعاد
وراح خلاص راح
ويا الوداع
وكان بينا ميعاد
واشتياق وهيام
قوليلي
إزاي العين هتنام
وتغمض الجفون
والقلب مجروح
ياللي علمتيني
الحب والغرام
ليه طال الهجر
والحرمان
ليه بقينا نقول
فينك ياليالي
فينك يا أيام
سِهرت كتير
مع القمروويا النجوم
انادي طيفك
وغرقت ف البحور
من يوم رحيلك
صبح القلب ممزق
وعودت قلبي عليك
مايحن
والدموع ملت عيني
وصبحت الحياه
سجن
ولسه طيفك بيحاصرني
ف كل ركن
وغابت مني الروح
وخايف تفضحني
عيوني
وبالسرلكل الناس
أبوح
...............
جلال محمد