♥️رَبي مَعي♥️
🌹🌹
عيب عليك يا ابن عمي لما تخون الأمانه
عيب دا دَمك هوَه دمي ليه يا كبير الخيانه؟
عيب دي بلدنا الحُره حُره و لا ترضي أبداً بالإهانه
عيب عليك يا خاين ! نَفسك خَسيسة ليه و جبانه؟
💔
ملعون من ظن أنه دون خلق الله الأفضل
مبتور من ظن أنه الوحيد في الدُنيا الأكمل
مذموم من ظن نفسه طاوووس البَشر الأجمل
مدحور من ظن أنه قبل كل العباد و أنه الأول
💔
حكًم ضميرك..أنت اللي بإيدك تحدد مصيرك
حكًم ضميرك..أوعي تمشي بفكر حَد تاني غيرك
حكًم ضميرك..و إرسم لنفسك مستقبل و شُق بعَزمك طريقك
حكًم ضميرك..و صدقني علي قدر نيتك و سَعيك رَبك يعينك
♥️
و صدقوني في يوم ما نبقي صُحاب
و قلوبنا تبقي بالحُب مفتوحه كما الكتاب
و يوم ما نسِد علي الشياطين و الأبالسه كل باب
و الله العالم كله هيعمل لنا ألف مليون حساب
♥️
قادر أغير الكون بس لو غيرت نَفسي
قادر بأمر الله و التقوي في القلب غَرسي
قادر بحول الله و الصبر في النفس حَرثي
قادر يارب أكون موجود و أسَمَع الظَلَمه حِسي
♥️
يا بلد مَلكية و العُهده علي الراوي
يا تكية يا وسية و كل فسادك متساوي
يا بهية يا غنية و الحرامي فيكي غاوي
يا عالم يا غَبية الفاسد علي خرابها ناوي
💔
أنا لها حتي و لو عُمري فيها انتهي لأنها عِندى كِنانه
لن أرضي أبدا لها بالذل و الخضوع و الخنوع و المهانه
لن أرضخ لفاسديكِ و ظالميكِ و ناهبيكِ راغبي المكانه
لن أركع لغير الله ربي و رب كل شئ و إيماني ليَ الضمانه
♥️
د.ياسرالشريف