فاكره يا آمن _ أحمد عبد الفتاح
(فاكره يا آمنه)
--------
فاكره يا آمنه ايام زمان
قبل ما نكبر كدا ونكش
وقبل ما يبقى لاشاشه ولادش
وع الدكه قاعدين بندش
وجنب منا جوز حمام
وضحكتنا بتملى الوش
التلاجه كانت زير
وقُلّة ميَّه بتروى الوش
فاكره يا آمنه ايام زمان
كان النيش صحنين وحله
والبوتجاز كانون بشعله
السرير حصير ومخدّه
وخزين البيت بلاص المش
فاكره يا آمنه ايام زمان
الدولاب كان شق فى حيطه
ولا يوم نسمع ليهم ظيطه
وكان الناس عايشين راضيين
عيشه هَنِيَّه حلوه بسيطه
مفيهاش حقد كمان ولا غش
فاكره يا آمنه ايام زمان
كان الدُّوش إبريق وانجر
ولا حد في يوم يعنجر
وللفجر يقوم يكبر
والضحكه بتملى الوش
والضحكه بتملى الوش
------
بقلم احمد عبد الفتاح
أشعار
اضف تعليقاً عبر:
الابتسامات