فاقد الشيء لايعطيه /احمدعبدالحق/ مجلة الشعر العربي
فاقد الشيء لايعطيه
وعشان تحس الكلام
مش شرط انك تكتبيه
المهم انه بنبضك
لو مرة واحده تفهميه
قالوا زمان
ياااااا..ياما قالوا زمان
قالوا اخوك السند
والبنت زي الولد
طلع السند مكسور
وانه كمالة عدد
والأخ باع اخوه
خوخ حتي العصب
معرفش مين ابوه
حتي زمان سرقوه
والنهارده جم سالوه
يعني ايه تكسر اخوك
ويعني ايه تخونه
زي ماكل الناس خانوك
ضحك العبيط وقال
مع ان ابويا ابوك
ومع ان الرحم واحد
عرفوا ازاي يكسروك
بسلاحهم البارد
مش هي دي الطيبة
والله بقت عيبة
انك كل يوم تنجرح
بس المرة دي صاعبه
لما اللي منك يدوسك
واغلي الحبايب يجرحك
المرة الجرح اصعب
لما يجي اخوك
ببتسامة بارده ويدبحك
أسف جدا يابويا
معلش والله يا اماه
مقدرتش اوفي ديني
معرفتش اسمع كلامكم
سامعك والله يااماه
بتقولي الدنيا فانيه
وكله سلف ودين
ماهي الدنيا دنيا
جارحين ومجروحين
مرة تلاقينا نقتل
والف مرة مقتولين
بس الامر يااماه
لما تلاقي جرحك
من جوا القريبين
مع انه ضهر واحد
وكمان بطن واحده
صعب تحس مرة
ان اللي ياما داوك
هما برضو يااماه
اللي حاولوا يبعوك
ماهو اصعب جرح ياغاليه
لما اللي منك يخسروك
والاصعب برضو يااماه
بشيء رخيص باعوك
الفاتحه ليك يااماه
وانت كمان ياابويا
وهشيل علي قد مقدر
يمكن اقدر اسامح
ويمكن اقدر هحاول
انسي لو ساعه واحده
ياريتني اقدر انسي
واوهم نفسي تاني
ان فيها الدنيا لسه
اللي عاوزين يشتروك
احمدعبدالحق
شعر العامية
اضف تعليقاً عبر:
الابتسامات