حتى باريس/الشاعر. السيد حسن/ مجلة الشعر العربي

 قصيدة.

---------(حتى باريس)

___________

ليه مش لاقى ف روسيا ولندن.

أو حتى باريس؟؟

رجاله مقهورة من الستات.

أصل الستات منهم بيغيظ!!

لا تلاقى هناك تلكيك للخلع.

ولا عقول مقفولة بمتاريس!!

أو زوجة بتنكد على زوجها.

فمسكاله على طول التبويز!!

أما الشرق ياعيني ع الراجل.

مذلول علشان البهاريز؟!

تطلع فيه القطط الفاطسه.

كدب ف كدب على تدليس!!

..ليه مش لاقى ف روسيا ولندن..أو حتى باريس؟؟

كدب وغدر وقلة قيمة.

تجرح جوانا الأحاسيس..

بتبقى عايشه ف خيره غرقانه.

ما بينبهوش غير التأليس!!

طالع عينه صبح وليل.

وتخلى حياته كلها كوابيس!!

تاكل تنكر تلبس تنكر.

وان زعلها تقول يابوليس؟!

ومافيش فايدة چنات ف الدم.

ملعون أبو علم المواريث!!

...ليه مش لاقى ف روسيا ولندن..أو حتى باريس؟؟؟

قلة وعى وجهل وفقر.

وناس ف خراب مالطة بتهيص!!

منفوخه من بره ع الفاضى.

ومن جوه شبه البلاليص!!

تلاقيها ف الهايفه بتتصدر.

وساعة الجد تلاقى تهجيص!!

بيتوه الحق مع الباطل.

والعقل صبح من غير فوانيس!!

لا فى حكمة ولا قولة عدل.

ولا عشرة بتشفع لعزيز!!

فما تستغربش لشئ من ندل.

ولا تستناش الخير ف خبيث!!

....ليه مش لاقى ف روسيا ولندن..أو حتى باريس؟؟؟؟

.....رجاله مقهورة من الستات..أصل الستات منهم بيغيظ!!!!!

بقلم/الشاعر.

السيد حسن.

11/9/2021