من دفتر أحوال العالم /محمد جارحى/مجلة الشعر العربي
من دفتر أحوال العالم
خد عندك حبة حواديت
أهى صورة
من بين أوراقه
كدا راسمه حبة فتافيت
منسيه و ضايعه
لم ترها عيون الكتاكيت
حذفوها
من أصل القصه
حذفوها
كمان م الحواديت
أصلها بتمثل حبه
ساكنين كدا جنب القبه
كانو أصلا أصحاب الدار
و طردهم منها العمار
و الدفتر أوراقه كتيره
مش ناقص
فيه زيادة حيره
بكفايه حدوته الغوله
و خلونا
نقلب دي الصفحه
مش ناقصه كمان الهلافيت
طب ندخل ع الصفحه التانيه
و تعالى نشوف التظبيط
أه يا دفتر أخلاقك فانيه
كدا عدلك
راح في الشخابيط
من أول السطر الأول
نازل كحت و تخطيط
و ضحكت على العالم كله
و كتبت الأرض ترانزيت
محمد جارحى
اضف تعليقاً عبر:
الابتسامات