بسم الله /سميه نور الدين محمد / مجلة الشعر العربي
بسم الله...بسم الله
الجندى المصرى يامحلاه
إللى نصرنا.. بعزمه جبرنا
ضحى بدمه غسل العار
بسم الله...بسم الله
شال على كتفه روحه
وسلاحه
سما وعدا قنالنا ما هدا
رد كرامته وخد بالتار
ضحى وعدا جبال وقناه
زرع الخير وبيده جناه
خضر أرض الموت بحياه
رمل الصحرا طرح ثوار
بسم الله..بسم الله
الجندى المصرى يامحلاه
عايق فى المشيه ياجماله
شهم ومجدع مافى مثاله
وقت الضلمه يهل هلاله
يملا علينا الكون انوار
بسم الله...بسم الله
اسد الصحرا وبطل الحرب
هز الدنيا شرق وغرب
عمره ماخاف صواريخ
ولاضرب
ولا بيهمه جوع وحصار
جاهز وقت متنده أمه
يفديها بحياته ودمه
مصر مصيره وغايته وهمه
هو ...واخواته الاحرار
...
لو مصر ف ضيقه وبتنادى
يجرى يقول أمرك يابلادى
جيشنا يغطى حضر وبوادى
يضرب يحرق كل اعادى
تصبح عيشة الباغى دمار
بسم الله.. بسم الله
الجندى المصرى يامحلاه
بقلم/. سميه نور الدين
محمد
اضف تعليقاً عبر:
الابتسامات