تهت ولقيتني/ عبد اللطيف ميصر/ مجلة الشعر العرب

 

تهت ولقيتني فالبحر

تهت ولقيتني فالبحر

غير أنا وهو وإحساسي

تاخذني امواجو وتجر

بعيد على أهلي وناسي

هو وشكون غيرو لبحر

تخاطبني امواجو وتواسي

دفنت فيه همومي والسر

وفيه عبرت حدي وقياسي

صاحبي يا داك لبحر

غريبة هاد الدنيا هادي

ولشواق راها تقهر

ونار العشق الݣادي

والحب يجرح ويضبر

والعشق غير عادي

زجل مغربي عبد اللطيف ميصر 5 7 2023 بوزنيقة المغرب