واحشني /شريف شحاته / مجلة الشعر العربي
زجل
واحشني
بقلم شريف شحاته
مصر 15 يونيو 2024
إمتي تحن في يوم وتيجيني
بأحلم بيك أنا ليل ونهار بعدك عني سايبني في نار
نفسي أشوفك وألمح طيفك واللي حايشني عينيك
طيفك جه زارني في نومي وقال
غني لي لوحدي أجمل موال
أنا قلت ياريت يفضل في البيت
وأعيش طول عمري علي دة الحال
من يومها ما شفتك في منامي ولا حتي تمر قدامي
إمتي حتعطف بقي يا جميل نفسي تحن في يوم وتميل
بأحلم بيك انا ليل ونهار بعدك عني سايبني في نار
إمتي تيجيني وتهنيني واللي واحشني عينيك عينيك
يا واحشني ليه تحرم روحي
يا فايتني حيران بجروحي
أه لو اعرف عنوانك أنا اسافر واجيلك في مكانك
وأتوه وأتونس بحنانك
وأفضل أحبك وافرح بيك طول ما أنا جنبك أسرح فيك
بأحلم بيك أنا ليل ونهار بعدك عني سايبني في نار
واللي واحشني عينيك عينيك يا قلبي
شريف شحاته
زجل
اضف تعليقاً عبر:
الابتسامات